Servicio Editorial

Descargas previas 276

Lan honetan atzerritar jatorriko pertsonen kontsumoak EAEko ekonomiari egiten diona aztertzen da. Horretarako, kontsumo horrek BPGd-n duen eragina aztertuko da. Beste alde batetik, ongizate-sistemen (etxebizitza, gizarte-prestazioak, osasuna eta hezkuntza) onuradun izateagatik atzerritarrei egotz dakiekeen gastua ere aztertuko da. Azterketaren helburua funtsezko bi alderdi horiek aurrez aurre jartzea da, immigrazioak zenbat jasotzen duen eta zer ekarpen egiten duen ulertzeko, alderaketa hori garrantzitsua baita biztanleek migrazio-fenomenoarekiko dituzten jarreretan eta aurreiritzietan. Izan ere, Ikuspegiren 2019ko Barometroaren arabera, euskal gizartearen % 53,3k uste du atzerriko biztanleek gehiegizko onura jasotzen dutela gizarte-babeserako sistematik, eta % 33,6k uste du jasotzen dutena baino gutxiago ordaintzen dutela zergetan.

Testuinguru horretan, lan honen helburu nagusia da atzerriko jatorria duten biztanleek EAEko BPGd-ri zer ekarpen egiten dioten objektiboki, zientifikoki eta datu ofizialetan oinarrituta aztertzea, ekonomiari egindako ekarpenen alderdia eta Administraziotik jasotzen dutena alderatuz. Emaitzari esker, atzerriko biztanleek egindako ekarpen ekonomikoa jasotzen dutena baino handiagoa den edo ez jakin ahal izango dugu, eta hori, ikuspegi fiskala edo zerga-ikuspegia ez den batetik.