Servicio Editorial

Burutiko eritasun eta nahasteak ikasterakoan, sarritan gertatzen da nazioarte, autore eta psikopatologiaren ikuspuntu ezberdinen arabera sailkapen, eta batzuetan deitura, ezberdinak erabiltzen direla, arazo berdinetaz ari arren. Bestalde iharduera klinikoan ere, psikiatra naiz psikologo eta terapeuta ezberdinek, bakoitzak bere arlo teorikoaren arabera ulertu eta adieraziko du gizabanakoaren sufrimendu eta patologia.

Are gehiago ikerkuntza psikopatologikoa eta iharduera klinikoak gutxitan dute hizkuntz, ikuspuntu eta ulermen hitzartua, bien artean gertatu oi den bidebanaketaz asko idatzi delarik.

DSM-III-R eta ondoren etorriko direnak, aurretik etorri direnak bezalaxe, badute, hizkuntza amankomunatze, ikerketa eta iharduera klinikoaren elkarlotze eta psikopatologiaren deskribapen zehatza egitearen ahalegin sakona. Liburu honen onarpen eta hedadurak ahalegin horren arrakastaren agiri nagusiena direlarik.

Psikopatologo teorikoaren, psikiatra eta psikologo klinikoaren, arizain eta adimen osasunean ari den edonorentzat, edo horretarako ikasketak burutzen ari denarentzat beharrezkoa bilakatu den eskuliburua da honako hau.