Servicio Editorial

Ekintza-fantasmen kontzeptuaren bitartez, Bernard Aucouturierrek haurraren motrizitatearen psikodinamika ulertzera gonbidatzen gaitu, zeina larrimin saihestezinen aurrean haurrari segurtasuna ematen dioten ekintza sinbolikoen jatorrian baitago. Autoreak jarduteko eta jostatzeko atsegina nabarmentzen du, norberaren irudikapena eraikitzeko eta pentsamendua garatzeko ezinbesteko faktore gisa.

Hezkuntza- eta prebentzio-praktika psikomotorra eta laguntza psikomotor terapeutikoko praktika sakon azaltzen dira, betiere filosofia humanistan oinarrituta: haien esparruak, helburuak, gorputzaren eta hizkuntzaren bidezko segurantza sakoneko estrategiak eta haurrari laguntzeko erlazioa.

Esperientzia eta kontzeptu ugariko liburu honen xedea da psikomotrizistak eta haurtzaroko profesionalak beren eguneroko praktikei buruz galdetzera bultzatzea. Profesionalei zuzenduta dago, nagusiki: psikomotrizistei, ortofonista eta logopedei, psikoterapeutei, psikiatrei, psikiatra pediatrikoei eta zentro mediko eta psikopedagogikoetako psikologoei.

Bernard Aucouturier hezkuntza- eta prebentzio-praktika psikomotorraren sortzailea da, bai eta laguntza psikomotor terapeutikoarena ere. Beste batzuekin batera, haurren psikomotrizitateari buruzko lan ugari egin ditu. Praktika Psikomotorrean Trebatzeko Eskolen Europako Elkarteko (ASEFOP) presidente-sortzailea da; Frantziako Medikuntza Akademiak saritu du eta Frantziako Gazteria, Kirol eta Aisia Ministerioaren tesi-saria jaso du.