Servicio Editorial

Descargas previas 168

Obesitatea gaixotasun metaboliko kronikoa da, zeinaren prebalentzia etengabe handitu baita azken hamarkadetan, xxi. mendeko epidemia izena emateraino. Gaixotasun horren ezaugarri nagusietako bat da harekin lotzen diren bestelako osasun-arazoak sortzeko arriskua handitzen duela. Hori dela eta, obesitatearen eta harekin lotzen diren osasun-arazoen tratamendu dietetikoa ondo ezagutzea ezinbestekoa da Giza Nutrizioa eta Dietetika Graduko ikasleentzat.

Horiek horrela, eskuliburu honek, Giza Nutrizioko eta Dietetikako Graduko 4. mailan ematen den Dietoterapia ikasgaiaren gaitegiko zenbait patologia bildu eta garatzen ditu. Zehazki, obesitatearen eta patologia horri maiz lotutako osasun-asalduren (gibel-esteatosia, intsulinarekiko erresistentzia eta 2 motako diabetesa, eta dislipemiak eta aterosklerosia) dietoterapia bildu da, horiek izaten direlako kontsulta dietetiko gehienen arrazoiak.

Kontuan izanik Dietoterapia ikasgaiak etorkizuneko dietista-nutrizionisten prestakuntzan duen garrantzia, eskuliburu honen helburua da ikasleari eguneratutako euskarri teorikoa ematea (idatzizko testu formatuan).