Servicio Editorial

Liburu honek instalazio elektrikoez dihardu, arautegi-ikuspegia erabili gabe. Horrelako instalazioen kalkulua eta analisi zorrotza nabarmentzen ditu; arautegiei dagozkien alderdiak, berriz, modu osagarrian lantzen dira.

Testuan, alderdi hauek lantzen dira: behe- eta erdi-tentsioko tresneriarik ohikoenaren deskribapena eta azterketa, sareen kalkulua eta diseinua, konexio-instalazioen azterketa (azpiestazioak, transformazio-zentroak eta koadro elektrikoak), tentsioaren erregulazioaren eta potentzia erreaktiboaren konpentsazioaren analisia, behe- eta erdi-tentsioko babesen eta lurrerako sistemen azterketa. Argiztapen-instalazioez eta energia elektrikoaren fakturazioaz ere aritzen da. Testuaren amaieran, instalazio elektrikoen proiektu batzuei buruzko analisi labur bat egiten da, adibideak erabiliz. Eranskin batean, zirkuitu trifasiko orekatu eta desorekatuen teoria eta unitateko sistema laburbiltzen dira.

Ingeniaritzetako graduko ikasleei zuzenduta dago liburua, industriaingeniaritza, ingeniaritza zibila eta agronomikoa barne. Instalazio elektrikoen kalkuluaren eta diseinuaren tratamendu zorrotza behar duten profesionalei ere zuzenduta dago.