Servicio Editorial

Gaur egun, makina elektrikoak oso erabiliak dira mundu industrialean eta, baita ere, etxeko tresna askotan. Hori dela eta, ingeniaritza titulazio gehienetan arlo hori irakasten da eta, bereziki, ingeniaritza industrialean sakonago garatzen da. Egileok, hori dena kontuan hartuta, euskaraz argitaratzea erabaki genuen gure azken urteotako esperientzia oinarri moduan hartuz.

Makina elektriko mota asko daude munduan zehar, baina gehien erabiltzen direnak, transformadoreak, makina sinkronoak eta makina asinkronoak dira. Liburu hau, hiru makina horiei zuzenduta dago eta, berton, oinarrizko garapena egiten da makina horiei buru. Aurrez, lehendabiziko atalean, elektromagnetismoari buruz zenbait kontzeptu aipatzen dira, makina elektrikoak garatzeko behar den beste hain zuzen.

Liburu hau, ingeniaritza ikasleengana zuzenduta dago. Makina elektrikoen funtzionamendua ulertzeko oinarrizko gaiak aurki daitezke berton. Gainera, azken atalean zenbait ariketa proposatzen dira ikasleentzako. Ariketetan emaitzak ere ematen direnez, makinen magnitudeen baloreetaz jabetzen joateko interesgarria dela iruditzen zaigu.