Servicio Editorial

Descargas previas 888

Dieta osatzen dute egunean zehar kontsumitu ohi ditugun elikagai eta edari guztiek. Dietak banakoaren beharrak ase ditzake ala ez, eta, hala egiten duenean, osasungarria izaten da. Dieta, jarduera fisikoarekin batera, erabakigarria da osasuna sustatzeko eta mantentzeko. Aski frogatu da elikaduraren eta osasunaren arteko erlazioa; aipagarria da, esate baterako, dietak gaixotasun kroniko faktoreanitzen garapenean duen garrantzia; adibidez: arazo kardiobaskularretan, hipertentsioan, obesitatean, diabetesean, minbizi mota batzuetan eta osteoporosian, besteak beste. Gaitz horietan faktore genetikoek, ingurunekoek eta bizitza-ohiturek eragiten dute. Lehengo biak ez bezala, bizitza-ohiturak norberaren esku daude, bereziki, elikadura-ohiturak eta jarduera fisikoa. Hortaz, gizakiok zuzenean eragin dezakegu, elikadura-eredu egokiaren eta neurrizko jarduera fisiko orekatuaren bidez, epe erdi-luzerako osasunean, ardura gugan hartuz.